दाई सत्यपालले चिने भाइको शव, नारायणीमा मृत भेटिएका व्यक्ति गणपति डिलक्सका यात्रु भएको पुष्टि
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
असार २९, २०८१ शनिबार १६:३२:४२
२९ असार, चितवन । जिल्लाको भरतपुर महानगरपालिका–२८ स्थित नारायण नदी किनारमा फेला परेको शव सिमलतालमा पहिरोले बगाएको बसको यात्रुको भएको पुष्टि भएको छ । जिल्ला प्रहरी कार्यालयका प्रवक्ता एवं प्रहरी नायब उपरीक्षक भेषराज रिजालले उक्त शव बेपत्ता गणपति डिलक्सका यात्रुको रहेको पुष्टि भएको जानकारी दिए ।
नदी किनारमा घोप्टो परेको अवस्थामा शनिबार बिहान शव भेटिएको थियो । शवको साथमा केही कागजात पनि भेटिएकाले प्राप्त कागजातको आधारमा शव भारतीय नागरिक ऋषिपल साहको रहेको पुष्टि भएको छ । प्रहरी नायब उपरीक्षक रिजालले अहिले शव परीक्षणका लागि भरतपुर अस्पतालको शवगृहमा राखिएको बताए ।
साह नेपालमा बसेर काम गर्दै आएका ऋषिका दाई सत्यपाल साहले बताए । सत्यपालले आज बिहान फेला परेको शव भाई ऋषिपलको रहेको पुष्टि गरे । भारतको मोतिहारी राजमुनुवा घर भएका २८ वर्षीय साह काठमाडौँको जोरपाटीबाट गौर जानका लागि गणपति डिलक्स चढ्ेका थिए ।
काठमाडौँबाट रौतहटको गौरतर्फ आउँदै गरेको गणपति डिलक्सको बस पहिरोमा परेर त्रिशूली नदीमा खस्दा बेपत्ता भएको थियो । बागमती प्रदेश–०३–००१ ख २४९५ नम्बरको बस त्रिशूलीमा खस्दा नन्दन दास, सुरजप्रसाद गुप्ता र जगेश्वर यादव बसबाट हाम फालेर ज्यान जोगाउन सफल भएका छन् ।
भरतपुर महानगरपालिका–२९ स्थित सिमलतालमा पहिरो खस्दा दुई वटा यात्रुवाहक बस त्रिशूलीमा खसेको थियो । नारायणगढ–मुग्लिन सडकखण्डको सिमलतालबाट बागमती प्रदेश–०३–००६ ख १५१६ नम्बरको एन्जल डिलक्स र गणपति डिलक्स नदीमा खसेका हुन् । शुक्रबारदेखि बेपत्ता बस र यात्रीको खोजी कार्य तीव्र पारिएको प्रहरीले जनाएको छ ।
एन्जल वीरगञ्जबाट काठमाडौँतर्फ र गणपति काठमाडौँबाट रौतहटको गौरतर्फ जाँदै गरेको अवस्थामा पहिरोमा परेका थिए । दुवै बसमा गरी करिब ६५ यात्री रहेका जिल्ला प्रहरी कार्यालयका प्रवक्ता रिजालले जानकारी दिनुभयो । बेपत्ता बस तथा यात्रीको आज बिहानैदेखि नेपाली सेना, नेपाल प्रहरी र सशस्त्र प्रहरीको गोताखोरसहितको टोलीले खोजी गरिरहेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपविपद्मा परी हालसम्म एक सय ७० को मृत्यु
साउन २५, २०८१ शुक्रबार
बागलुङ पहिरो : थप एकको शव फेला, दुई अझै बेपत्ता
साउन २४, २०८१ बिहिबार
बडिगाड पहिरो : तीन बालबालिका अझै बेपत्ता
साउन २४, २०८१ बिहिबार
जनप्रतिनिधि तथा कर्मचारीकै मिलेमतोमा खानेपानीको नाममा ब्रहमलुट
नेपालबहस संवाददाता
साउन २३, २०८१ बुधबार
जुन घर सुरक्षित छ भनेर जम्मा भए, त्यही घरलाई नै पहिरोले लग्यो...
नेपालबहस संवाददाता
साउन २२, २०८१ मंगलबार
बंगलादेशमा हसिनालाई सत्ताच्युत गरेर ‘मन्त्री’ बनेका २ विद्यार्थी बारेमा जान्नुहोस् !
साउन २५, २०८१ शुक्रबार
कुलमानले आज पत्रकार सम्मेलन गर्दै
साउन २५, २०८१ शुक्रबार
यसरी गुम्दैछ विकसित मुलुकमा नेपालीको परिचय
साउन २५, २०८१ शुक्रबार
२१ जिल्ला न्यायाधीशको सरुवा, को कहाँ ?
साउन २५, २०८१ शुक्रबार
जनतालाई अधिकार सम्पन्न बनाउन कांग्रेस-एमाले गठबन्धन : उपप्रधानमन्त्री सिंह
साउन २५, २०८१ शुक्रबार
मन्त्री भण्डारीले गरे विशाखापट्टनम पोर्टको अनुगमन
साउन २५, २०८१ शुक्रबार
पाकिस्तानमा बाल दुर्व्यवहारको अवस्था गम्भीर : रिपोर्ट
साउन २५, २०८१ शुक्रबार
प्रक्रियामा नआई बिल तिर्दिन भन्नै मिल्दैन : कुलमान घिसिङ
साउन २५, २०८१ शुक्रबार