भरतपुर २८ गोलघाटमा भेटियो थप एक पुरुषको शव

३० असार, चितवन । भरतपुर महानगरपालिका २८ स्थित नारायणी नदीको किनार गोलघाटमा पहिचान खुल्न नसकेको एक पुरुषको शव फेला परेको छ ।

सशस्त्र प्रहरीको उद्धार टोलीका डीएसपी मनोज गुरुङको कमाण्डमा रहेको टोलीले अहिले भर्खरै अज्ञात पुरुषको शव खोलाबाट निकालेर भरतपुर ल्याउने पठाउने तयारी गरिएको छ ।

उक्त शव सिमलताल पहिरोमा परेका बसका यात्रुको शव हुन सक्ने आशंका गरिएको छ । योसहित नारायणी नदीले बगाएका ५ वटा शव फेला परेका छन् ।

आज बिहानमात्रै एक जनाको शव फेला परेको थियो । शनिबार तीन जनाको शव फेला परेको थियो । उनीहरूको सनाखतसमेत भइसकेको छ ।