रौतहटमा करेन्ट लागेर १ जनाको मृत्यु

३१ असार, रौतहट । रौतहटमा करेन्ट लागेर एकजना युवकको मृत्यु भएको छ । सोमबार दिउँसो स्थानीय देवाही गोनाही नगरपालिका ७ गोनाहीटोलका कु्ती हजराको छोरा बर्ष ४५ को चुनिलाल पासवानको आफनै खेतमा काम गरिरहेको अवस्थामा करेन्ट लागेर मृत्यु भएको हो ।

उनको खेत हुँदै छिमेकी रामदरेश राय यादवले जडान गरि लगेको मोटरको तारबाट करेन्ट लागि दिउँसो १ बजेर २० मिनेटमा घाइते भएका थिए । लगत्तै  घाइते पासवानलाई उपचारको लागि शिवनगर स्थित ग्राण्डी अस्पतालमा लगेकोमा आधा घण्टा पश्चात् उपचारको क्रममा मृत्यु भएको सशस्त्र प्रहरी रौतहटका प्रमुख एसपी बिक्रम हुमागाईंले बताएका छन ।

इलाका प्रहरी कार्यालय गरुडाका प्रमुख डिएसपी रामेश्वर त्वातिले पासवानको खेत हुँदै मीटरको तार लागेका रामदरेश राय यादव हाल फरार रहेकाले उनको खोजी भइरहेको जानकारी दिए । मृतकको शवलाई पोष्टमार्टमका लागि प्रादेशिक अस्पताल गौर पठाईएको तथा घटनाबारे थप अनुसन्धान भइरहेको उनले बताए ।