युवराज खतिवडा आर्थिक सल्लाहकार भएपछि रोकियो आज सार्वजनिक गर्ने भनिएको मौद्रिक नीति

४ साउन, काठमाडौं । प्रधानमन्त्री केपी शर्मा ओलीले सरकारको आर्थिक सल्लाहकारमा डा. युवराज खतिवडालाई ल्याएपछि मौद्रिक नीति रोकिएको छ । नेपाल राष्ट्र बैंकले आज शुक्रबार मौद्रिक नीति सार्वजनिक नगर्ने भएको छ ।  सञ्चालक समितिमा मौद्रिक नीतिबारे थप छलफल गर्नुपर्ने भएकाले आज रोकिएको भने पनि खतिवडाले अध्यायन गर्ने भनेपछि रोकिएको हो । 

सञ्चालक समितिमा छलफल गरी पारित गरेर शुक्रबार सार्वजनिक गर्ने भनिएको थियो । ओलीको आर्थिक सल्लाहकारमा डा. युवराज खतिवडा आइसकेपछि उनले मौद्रिक नीतिबारे परामर्श गर्न खोजेपछि रोकिएर्को  स्रोतकोभनाइ छ । अबम ौद्रिक नीति प्रधानमन्त्रीको सचिवालयको प्रत्यक्ष छाया परेको छ । खतिवाडा पूर्व गभर्नर र पूर्व अर्थमन्त्री हुन् । 
 
उनको नियुक्तिसँगै प्रत्यक्ष रूपमा राष्ट्र बैंकमाथि डा.खतिवडा हाबी हुनेछन् । यता राष्ट्र बैंकले भने सञ्चालक समितिमा मौद्रिक नीतिबारे पर्याप्त छलफल गर्न बाँकी नै रहेकाले केही समय होल्ड गर्नुपरेको जनाएको छ ।  जेठ १५ गते सरकारको वित्त नीति (बजेट) सार्वजनिक भएसँगै राष्ट्र बैंकले मौद्रिक नीतिको तयारी थालिसकेको थियो ।

अनलाइन तथा भौतिक रूपमा निजी क्षेत्र, आर्थिक विज्ञ तथा सरोकारवाला निकायहरुसँग सुझाव लिएको राष्ट्र बैंकले मौद्रिक नीतिका लागि आवश्यक सबै प्रक्रिया पुरा गरिसकेको थियो । पहिलो पटक मौद्रिक नीतिकै सन्दर्भमा आवश्यक सल्लाह तथा सुझाव समिति समेत गठन गरेर सहयोग लिएको राष्ट्र बैंकले साउनको पहिला आज शुक्रबार मौद्रिक नीति ल्याउने तयारी गरेको थियो ।