मनसुनयता बाढीपहिरोमा परी १३३ जनाको मृत्यु, ४ हजार १८ परिवार विस्थापित

८ साउन, काठमाडौं । मनसुनी वर्षाका कारण आएको बाढीपहिरालगायत विपदमा परेर गत जेठ २८ गते यता १ सय ३३ जनाको मृत्यु भएको छ ।  सो अवधिमा १४५ जना घाइते भएका छन् । प्रहरी प्रधान कार्यालयका अनुसार सिमलताल घटनाबाहेक ७ जना बेपत्ता रहेका छन् । 

काठमाडौँ उपत्यकामा २, कोशी प्रदेशमा २२, मधेस प्रदेशमा ६, बागमती प्रदेशमा २५, गण्डकी प्रदेशमा ३८, लुम्बिनी प्रदेशमा २३, कर्णाली प्रदेशमा ७ र सुदूरपश्चिम प्रदेशमा १० जनाको मृत्यु भएको छ ।  
त्यसैगरी काठमाडौं उपत्यकामा ९, कोशी प्रदेशमा ३४, मधेस प्रदेशमा ९, बागमती प्रदेशमा ७, गण्डकी प्रदेशमा २९, लुम्बिनी प्रदेशमा ९, कर्णाली प्रदेशमा ३४ र सुदूरपश्चिम प्रदेशमा १४ गरी १ सय ४५ जना घाइते भएका छन् । 

काठमाडौँ उपत्यकामा १, कोशी प्रदेशमा ४९, गण्डकी प्रदेशमा १२ र सुदूरपश्चिम प्रदेशमा ५ गरी ६७ जनाको उद्धार गरिएको छ ।  सो अवधिमा विपद्का घटनाबाट ४ हजार १८ परिवार विस्थापित भएका छन् ।