विमान दुर्घटनामा निधन भएकाको सम्झनामा भोलि राष्ट्रिय झण्डा आधा झुकाउने

९ साउन, काठमाडौं । सरकारले सौर्य एयरलाइन्सको विमान दुर्घटनामा निधन भएकाको सम्झनामा बिहिबार देशभर राष्ट्रिय झण्डा आधा झुकाउने निर्णय गरेको छ । मन्त्रिपरिषदको बुधबार बसेको आकास्मिक बैठकले सो निर्णय गरेको सरकारका प्रवक्ता एवं सञ्चारमन्त्री पृथ्वीसुब्बा गुरुङले जानकारी दिए ।  

यसैगरी सरकारले विमान दुर्घटनाबारे छानबिन गर्न पाँच सदस्यीय जाँचबुझ आयोग गठन गरेको छ भने विमानहरुको अनिवार्य प्राविधिक परीक्षण गर्न निर्देशन दिएको छ । साथै सरकारले दुर्घटनाका मृतकहरुप्रति श्रद्धाञ्जली व्यक्त गर्दै घाइते क्याप्टेन मनिष शाक्यको शीघ्र स्वास्थ्य लाभको कामना पनि गरेको गुरुङले बताए ।