उपाध्यक्षसहित योजना आयोगमा ७ जनाले पाए नियुक्ति

१० साउन, काठमाडौं । मन्त्रिपरिषद्ले राष्ट्रिय योजना आयोगमा उपाध्यक्षसहित ७ जना नियुक्त भएका छन् । उपाध्यक्षमा प्राध्यापक डा. शिवराज अधिकारीलाई नियुक्त गरिएको छ । अधिकारी यसअघि योजना आयोगका सदस्य थिए । पाल्पाका अधिकारीले त्रिवि अर्थशास्त्र विभागको प्रमुखको रुपमा पनि जिम्मेवारी सम्हालिसकेका छन् । 
 

सञ्चार तथा सूचना प्रविधिमन्त्री तथा सरकारका प्रवक्ता पृथ्वीसुब्बा गुरुङका अनुसार आयोगका सदस्यहरुमा डा. आरती बिछार, डा. रमेश प्रसाद सिंह, डा. प्रकाशकुमार श्रेष्ठ, गीताकुमारी पौडेल अधिकारी, डा. जयबहादुर टण्डन र गंगादत्त अवस्थीलाई पनि नियुक्त गरिएको छ ।