रामेछापमा पहिरोले पुरिएर ३ जनाको मृत्यु

११ साउन, रामेछापं । रामेछापको गोकुलगंगा गाउँपालिका–६ फर्पुमा पहिरोमा परी तीन जनाको मृत्यु भएको छ । बिहीबार बेलुका विमान तामाङको घरमा पहिरो खस्दा उनकी छोरी १७ वर्षीया सीता तामाङ, १५ वर्षीया आशिका तामाङ र १३ वर्षीया लक्ष्मी तामाङको मृत्यु भएको जिल्ला प्रहरी कार्यालय रामेछापले जनाएको छ। राति स्थानीय र प्रहरीले पहिरो पन्छाएर शवहरु बाहिर निकालेका थिए । पहिरोको जोखिममा रहेका केही घरका स्थानीयको उद्धार भएको छ।