'शोकमा सामनता, सबैलाई न्याय' भन्दै श्रद्धाञ्जली तथा खबरदारी कार्यक्रम सम्पन्न

१३ साउन, काठमाडौं । सौर्य एयरलाइन्सको विमान दुर्घटनामा मृत्यु भएकाहरू प्रति श्रद्धाञ्जली अर्पण गर्न र विमान तथा बस यात्रामा ज्यान गुमाएकाहरू प्रति सरकारले गरेको विभेदको विरोध गर्न राष्ट्रिय एकता अभियानले काठमाडौंमा एक विशेष कार्यक्रम आयोजना गरेको छ। सो अवसरमा सौर्य एयरलाइन्सको विमान दुर्घटनामा परि मृत्यु भएकाहरूप्रति भावपूर्ण श्रद्धाञ्जली अर्पण गरिएको थियो । 

त्यसपछि विमान र बस दुर्घटनामा ज्यान गुमाएकाहरू प्रति सरकारले विभेद गरेको भन्दै एक खबरदारी कार्यक्रम आयोजना गरिएको थियो। कार्यक्रममा विनय यादवले सरकारको विभेदपूर्ण व्यवहारले शोकमा पनि भिन्नता ल्याउने कार्य गरेको र यसलाई तत्काल सुधार गर्नुपर्ने आवश्यकता औंल्याए ।  

कार्यक्रममा सहभागीहरूले शोकमा समानता र न्यायको महत्वपूर्णता बुझाउँदै यस्तो विभेदको पुनरावृत्ति नगर्नका लागि सरकारलाई आग्रह गरेका थिए । कार्यक्रममा अभियानका केन्द्रीय अध्यक्ष विनय यादव, वरिष्ठ नेता बिपी यादव, केन्द्रीय सदस्य चन्द्र यदुवंशी, र युवा नेता दिवस पटेललगायतको सहभागिता रहेको थियो ।