चन्द्रनीगाहपुरमा स्कोर्पियो गाडीसहित अवैध काठ बरामद

♦ सञ्जय मिश्रा

१८ साउन, रौतहट । रौतहटस्थित इलाका प्रहरी कार्यालय चन्द्रनीगाहपुरकाे गस्ती टोलीले अवैध सालको काठ सहितको भारतीय नम्बरको स्कोर्पियो गाडी बरामद गरेको छ ।

विशेष सूचनाको आधारमा डीएसपी राजकुमार राईको कमाण्डमा गएको टोलीले बिहीवार राती अढाई बजे चन्द्रपुर ६ बेलडि स्थितिमा एच आर १४ सी ८६९७ नम्बरको  स्कोरपियो गाडी माथि शंका लागी चेकजाँच गर्दा गाडी भित्र लुकाई छिपाई राखेको सालको ५ थान गोलिया बरामद गरेको जिल्ला प्रहरी प्रवक्ता डीएसपी एलिजा गिरीले बताएकी छिन्।

बरामद गरिएको साढे २३ क्युफिट सालको काठ सहित गाडीको  कुल १५ लाख, ५१ हजार,७०० रुपैयाँ मूल्याङ्कन गरी आवश्यक कारवाहीको लागि शुक्रवार डिभिजन वन कार्यालय चन्द्रनिगाहपुरमा दाखिला गरिएको जिल्ला प्रहरी कार्यालय रौतहटको सूचनामा उल्लेख गरिएको छ ।