गुरूदेव कामतलाई मधेश विभूति घोषणाका लागि दवाव

१९ साउन, जनकपुरधाम । राष्ट्रिय एकता अभियानले स्व. गुरूदेव कामतलाई मधेश विभूति घोषणाको माग गर्दै जनकपुरधाममा दवाव कार्यक्रम सम्पन्न गरेको छ। अभियानका नेता मनीष पुर्बे र पंकज झाको नेतृत्वमा भएको कार्यक्रममा मधेश प्रज्ञा प्रतिष्ठानका प्रमुख रामभरोस कापडीले गुरूदेव कामतको अपमान गरेको भन्दै सहभागीहरूले कापडीको पुत्ला दहन गरेका थिए।

कार्यक्रममा सहभागीहरूले गुरूदेव कामतलाई प्रदेश विभूति घोषणा गर, गुरुदेव कामतको अपमान कार्य बन्द गर, राम भरोस कापडी राजीनामा दे, मधेस प्रज्ञा प्रतिस्ठान मुर्दावाद र मधेस सरकार मुर्दावाद जस्ता नारा लगाउँदै विरोध प्रदर्शन गरे।

नेता मनीष पुर्बेले गुरूदेव कामतले मधेशका लागि कला र सङीतको माध्यमबाट महत्वपूर्ण योगदान गरेको उल्लेख गर्दै उनको सम्मान गर्न प्रदेश सरकारले उनलाई विभूति घोषणा गर्नुपर्ने माग गरे।कार्यक्रममा सहभागीहरूले रामभरोस कापडीले गुरूदेव कामतको योगदानको अवमूल्यन गरेको आरोप लगाउँदै यस प्रकारको गतिविधिले मधेशको गौरवलाई ठेस पुर्याएको बताए ।