अविरल वर्षा र हुस्सुले त्रिभुवन अन्तर्राष्ट्रिय विमानस्थलमा उडान प्रभावित

२२ साउन, काठमाडौं । अविरल वर्षा र हुस्सुका कारण त्रिभुवन अन्तर्राष्ट्रिय विमानस्थलमा उडान प्रभावित भएका छन् । वर्षा र हुस्सुले विमानस्थलको भिजिबिलिटी कम हुँदा आन्तरिक र अन्तर्राष्ट्रिय जहाज उडान तथा अवतरणमा समस्या आएको हो । मङ्गलवार बिहान खराब मौसमकै कारण केही जहाज आकाशमा नै होल्ड र केही डाइभर्ट भएको विमानस्थलले जनाएको छ। 

वर्षाका कारण केही जहाज अवतरणमा समस्या भएको विमानस्थलका प्रवत्ता सुभाष झाले जानकारी दिए । कम भिजिबिलिटी (भिएफआर) अवतरणका लागि कम्तीमा एक हजार मिटरको भिजिबिलिटी आवश्यक पर्छ ।  अहिले त्रिभुवन विमानस्थलको भिजिबिलिटी एक हजार भन्दा कम रहेकाले अवतरण हुन समस्या आएको हो। स्तानाबुलबाट काठमाडौं आएको टुर्किस्तान एयर उतै डाइभर्ट भएको छ भने फ्लाइ दुबई र डर्क एयर अवतरण गर्न नसकेर आकाशमा नै होल्ड भएका छन् ।