सोलुखुम्बुको थामे खोलाको बाढीमा फसेका ६ जनाको उद्धार, ६ वटा घर बगायो

३२ साउन, काठमाडौं । बाढीका कारण सोलुखुम्बुको खुम्बु पासाङल्हमु गाउँपालिका ५ थामेमा १२ घरसहित स्कुल र क्लिनिकमा क्षति पुगेको छ । बाढीमा एक स्थानीय बेपत्ता भएका छन् । पासाङल्हमु गाउँपालिका–५ थामेस्थित थामे खोलामा आएको बाढीका कारण उच्च जोखिममा परेका ६ जनाको नेपाली सेनाले उद्धार गरेको छ ।

एक्कासि पसेको भीषण बाढीले अहिलेसम्म एउटा विद्यालयको छात्रावास र केही होटल सहितका ६ वटा घर बगाएको छ । होटलहरू बगाउँदा पनि अहिलेसम्म मानवीय क्षति भएको अप्रिय खबर छैन। बर्खाको समयमा त्यो क्षेत्रका होटल र घरहरूमा धेरै मान्छे नबस्ने भएकै कारण ठूलो क्षतिबाट जोगिएको त्यहाँका जनप्रतिनिधिहरूले बताएका छन। 

शुक्रबार दिउँसोबाट बाढी आएर बस्तीमा क्षति गरेपनि केहीबेर अघि मात्रै सुरक्षाकर्मीहरु पुगेका छन् । बाढी प्रभावितको खोज तथा उद्धारका लागि केहीबेर अघिदेखि नेपाली सेना, नेपाल प्रहरी र सशस्य प्रहरीहरु परिचालन गरिएको छ । नेपाली सेनाका प्रवक्ता सहायक रथी गौरवकुमार केसीका अनुसार घटनास्थलमा पुगेको सेनाको टोलीले बाढीको उच्च जोखिममा रहेका ६ जनालाई सुरक्षित स्थानमा स्थानान्तरण गरेको छ । 

घटनास्थलमा सुरक्षाकर्मी पुगेर खोज तथा उद्धारमा खटिएको छ । प्रवक्ता केसीले बाढीको बहाव कम हुनेक्रममा रहेको बताए । बाढीले थामेका १२ घरसहित स्कुल र क्लिनिकमा क्षति गरेको छ । मानवीय क्षतिबारे भने विवरण यकिन भइसकेको छैन । दोलखा र सोलुखुम्बुको सिमाना भई बग्ने थामे खोलाको सिरदेखि नै एक्कासी पानीको बहाव बढ्दा थामेका १२ घर (होटलसहित) बगाएको जिल्ला प्रहरी कार्यालय सोलुखुम्बुका डीएसपी द्वारिकाप्रसाद घिमिरेले बताए ।

उनका अनुसार स्थानीय एक जना बाढीमा बेपत्ता भएका छन् । दिउँसोको घटना भएकाले अन्य मानवीय क्षति भने हुन पाएन । दोलखा र सोलुखुम्बुको सिमाना भई बग्ने थामे खोलाको सिरदेखि नै एक्कासी पानीको बहाव बढ्दा थामे १२ घर (होटलसहित) बगाएको हो । थामे खोलको शिरमा रहेका हिमताल फुटेर या कुनै पहाड खसेर बाढी आएको हुन सक्ने खुम्बु पासाङल्हमु गाउँपालिकाका प्रवक्ता लाक्पा छिरी शेर्पाले जानकारी दिए । सिंगो थामेमा बाढी पसेको हुनाले उक्त क्षेत्रका ७ वटा घर अझै जोखिम पूर्ण अवस्थामा छन् ।