गत वर्ष साढे ७ खर्ब निक्षेप संकलन गरेका वित्तीय संस्थाले पौने ३ खर्ब गरे लगानी

४ भदौ, काठमाडौं । गत आर्थिक वर्ष बैंक तथा वित्तीय संस्थाले ७ खर्ब ४२ अर्ब ३७ करोड निक्षेप संकलन गरी पौने ३ खर्ब कर्जा लगानी गरेका छन् । बैंकहरुले अघिल्लो आर्थिक वर्षको तुलनामा १३ प्रतिशतले निक्षेप बढाएका हुन् । रेमिट्यान्सका कारण गत वर्षका सबै महिनामा निक्षेप बढेको राष्ट्र बैंको भनाइ छ । चालु आर्थिक वर्षमा राष्ट्र बैंकले साढे १२ प्रतिशतले कर्जा विस्तार गर्ने लक्ष्य तय गरेको छ ।

पौन ३ खर्ब कर्जा लगानी भएपनि यो अपेक्षित रुपमा कर्जा प्रवाह भएको भने होइन । गत वर्ष बैंक तथा वित्तीय संस्थाबाट २ खर्ब ७६ अर्ब ९४ करोड कर्जा प्रवाह भएको देखिन्छ । अघिल्लो वर्षको तुलनामा यो ५.८ प्रतिशतले बढेको हो । गत वर्ष राष्ट्र बैंकले ११.५ प्रतिशतले कर्जा प्रवाह विस्तार गर्ने लक्ष्य तय गरेको थियो । अघिल्लो वर्ष यस्तो कर्जा १ खर्ब ७५ अर्ब ९४ करोड प्रवाह भएको थियो ।