नागढुंगा नजिकै पहिरो झरेर अवरुद्ध भएको राजमार्ग खुलाउने क्रम सुरु

५ भदौ, काठमाडौं । नागढुंगाको पहिरो पन्छाउने काम सुरु भएको छ । काठमाडौंको मुख्य नाका नागढुंगा नजिकै पहिरो झरेपछि दुईतर्फी राजमार्ग अवरुद्ध भएको थियो । आज बिहान १०  बजे देखि ढुंगामाटो र रुखसहित ठूलो पहिरो खसेपछि राजमार्ग अवरुद्ध भएको हो ।

नागढुंगाका प्रहरी निरीक्षक हेम थपलियाका अनुसार सडकमाथिबाट ढुंगा खस्ने क्रम रोकिएको छैन । ढुंगा खसिरहेकोले काठमाडौं नागढुंगा सडक दुईतर्फी बन्द गरिएको थियो । अहिले सुरक्षाकर्मीले पहिलो हटाउने काम सुरु गरेका छन् ।  

पहिरो पनछ्याउन २ तर्फी डोजर  तयार पारिएको छ । पहिरो खसी रहेको हुनाले काम गर्न केही कठिनाइ भएको छ ।  तस्बिरहरुः नेपाल फोटो लाइब्रेरी