२१ जना प्रहरी अधिकारीले सर्वोच्चमा हालेको रिट न्यायाधीश फुयालको इजलासमा सुनुवाइ हुँदै

६ भदौ, काठमाडौं । नेपाल प्रहरीका वरिष्ठ उपरीक्षक जीवनकुमार श्रेष्ठसहित २१ जना प्रहरी अधिकारीले ३० वर्षे सेवा अवधि नहटाउन माग गर्दै सर्वोच्च अदालतमा दायर गरेको रिटमाथि बिहीबार सुनुवाइ हुँदैछ । ३० वर्षे सेवा अवधि हटाउन माग गर्दै दायर भएको रिट न्यायाधीश हरिप्रसाद फुयालको इजलासमा पेशी तोकिएको छ ।

न्यायाधीश फुयालको इजलासमा (ख) नम्बरमै पेशी परेको छ । बुधबार मात्रै ३० वर्षे सेवा अवधिका कारण २५ भदौमा अनिवार्य अवकाशमा जान लागेका मध्ये २१ प्रहरी अधिकृतले सर्वोच्चमा रिट दायर गरेका थिए । ३० वर्षे सेवा अवधिका कारण नेपाल प्रहरीमा ९० जना र सशस्त्र प्रहरीमा १८ जना गरी ११८ जना प्रहरी अधिकारीहरु यही १५ भदौमा अनिवार्य अवकाशमा जाँदैछन् ।