मुला लोड भएको ट्रकमा १४ सय २० किलो गाँजा भेटियो

६ भदौ, विराटनगर । सुनसरीको धरानमा मुला लोड गरेर राखेको ट्रकमा १४ सय २० किलो गाँजा भेटिएको छ । धनकुटाबाट धरानतर्फ आउँदै गरेको ट्रकमा १४ सय २० किलो गाँजा प्रहरी बरामद गरेको हो । बिहीबार बिहान लोड भएको को १ख ४७३३ ट्रकमा गाँजा फेला परेको गाँजा ४४ बोरा रहेको प्रहरीले जानकारी दिएको छ । 

जिल्ला प्रहरी कार्यालय सुनसरीका अनुसार गाँजासहित मोरङको सुन्दर हरैचा नगरपलिका–७ गछियाका ३४ वर्षीय राजकुमार दाहाल र धनकुटाको शहीदभूमी गाउँपालिका–७ का ४१ वर्षीय भुपेन्द्र राईलाई नियन्त्रणमा लिएको छ ।  बरामद भएको गाँजा भारत पठाउनका लागि ल्याइएको प्रहरीको भनाइ छ ।