उच्च अदालतको १६ जनामा कसकसले पाउनेछन न्यायाधीश बन्ने अवसर

९ भदौ, काठमाडौं । प्रधानन्यायाधीश विश्वम्भरप्रसाद श्रेष्ठको अग्रसरतामा आइतबार १६ जना न्यायाधीश उच्च अदालतमा नियुक्त गर्ने चर्चा छ । आज अपरान्ह बस्ने न्याय परिषदको बैठकले उच्च अदालतका लागि जिल्लाबाट ८ जना गरी १६ जना न्यायाधीशका नाम सिफारिस गर्दैछ ।  

यसअघि साउन २५ गते बसेको न्याय परिषदको बैठकले न्याय सेवाको राजपत्रांकित द्वितीय श्रेणीका कर्मचारीमध्येबाट ३५ जना न्यायाधीश नियुक्तिका लागि सिफारिस गरेको थियो । आज उच्चमा जिल्ला र न्याय प्रशासनका गरी १२ जना आउनेछन भने बाँकी अन्यबाट ल्याइने छ । कानुनमन्त्री अजयकुमार चौरसियाले अहिलेसम्म १ जनाको मात्र नाम पठाएका छन्  ।

बैठकमा तीन जनाको नाम प्रस्ताव गर्ने उनको तयारी छ । स्रोतका अनुसार न्याय परिषदले कानुन व्यवसायीबाट ४ जनालाई उच्च अदालतको न्यायाधीश बनाउनेछ । जिल्लाबाट ८, न्याय सेवाबाट ४ र कानुन व्यवसायीबाट ४ जना गरी १६ जना न्यायाधीश नियुक्तिका लागि सिफारिस हुनेछन् ।