सभामुखसँग समय मागरे माओवादी अध्यक्ष प्रचण्डले आज संसदमा विशेष सम्बोधन गर्ने

११ भदौ, काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले आज प्रतिनिधि सभा बैठकमा सम्बोधन गर्ने भएका छन् । उनले सभामुख देवराज घिमिरेसँग विशेष समय मागरे सम्बोधन गर्न लागेका हुन् । 

मंगलबार दिउँसो १ बजे बस्ने प्रतिनिधि सभा बैठकमा अध्यक्ष प्रचण्डले सम्बोधन गर्ने नेकपा माओवादी केन्द्रका प्रमुख सचेतक हितराज पाण्डेले नेपालबहसलाई जानकारी दिए । उनका अनुसार अध्यक्ष प्रचण्डले सम्बोधन गर्ने विषयमा सभामुखलाई जानकारी भइसकेको छ । 

उनले संक्रमणकालीन न्याय र पछिल्लो राजनीतिक अवस्थाबारे पार्टीको धारणा राख्ने बताइएको छ । हालै मात्र संसदमा दुबै सदनबाट टीआरसी विधेयक पारित भइसकेको छ ।