तीजका कार्यक्रम सामाजिक रीतिअनुसार नभएको भन्दै प्रशासनले दियो कारबाहीको चेतावनी

१३ भदौ, काठमाडौं । तीजका कार्यक्रम सामाजिक रीतिअनुसार नभएको भन्दै जिल्ला प्रशासन कार्यालय काठमाडौंले सचेत गराएको छ । तीज पर्व भड्किलो ढंगले नमनाउन प्रशासनको आग्रह छ । अनावश्यक तडकभडक  र खर्चिलो कार्यक्रम गरे/गराए कानुनबमोजिम कारबाही गर्ने चेतावनी प्रशासनले दिएको छ ।  

सहायक प्रमुख जिल्ला अधिकारी माधवप्रसाद ढुंगानाले बिहीबार सूचना जारी गर्दै सामाजिक व्यवहार ९सुधार० ऐन, २०३३ र सामाजिक व्यवहार सुधार नियमावली, २०३३ को ख्याल गर्न भनेको छ । कोही कसैले अनावश्यक तडकभडक र खर्चिलो हुने गरी तिजका कार्यक्रमहरुको आयोजना गरे / गराएमा त्यस्ता गतिविधिहरुको निगरानी गरी कानून बमोजिम कारवाही हुने व्यहोरा समेत यसै सूचनाद्वारा सबैमा जानकारी गराइएको छ’ सूचनामा छ ।

’विगतको तुलनामा हालका वर्षहरुमा तिज मनाउने क्रममा अनावश्यक तडकभडक सहितका खर्चिला कार्यकमहरु बढ्दै गएको प्रशासनको ठहर छ । ’सामाजिक व्यवहार ९सुधार० ऐन, २०३३ र सामाजिक व्यवहार ९सुधार० नियमावली, २०३३ ले धार्मिक, सामाजिक तथा साँस्कृतिक पर्वहरु मनाउने विषयलाई व्यवस्थित र नियमन गरेको विदितै छ । तसर्थ आफ्नो परम्परा एवम् सामाजिक रितिरिवाजलाई मौलिक रुपमा संरक्षण र संवर्द्धन गर्ने बाहेक अन्य कुनै पनि खालका तिजसँग सम्बन्धित खर्चिला एवम् भड्किलो कार्यक्रम सञ्चालन नगर्नु/नगराउनु हुन हार्दिक अनुरोध छ’ सूचनामा भनिएको छ ।