पाँचथरमा विस्फोटमा परी २ बालबालिकाको मृत्यु

१४ भदौ, काठमाडौं । पाँचथरको फालेलुङ गाउँपालिका–५ मा प्राङवुङ विस्फोट हुँदा २ बालबालिकाको मृत्यु भएको छ । मृत्यु हुनेमा दिलीप साबाका ११ वर्षका छोरा डिक्सन साबा र २ वर्षकी छोरी प्रिन्सा साबा रहेको प्रहरीले जनाएको छ । 

घट्नामा अन्य २ जना घाइते भएका छन् । घाइतेमध्ये एकजनाको जिल्ला अस्पतालमा उपचार भइरहेको अर्को एक जनाको स्थानीय अस्पतालमा उपचार पछि जिल्ला अस्पताल पठाइएको छ । अहिले त्यस ठाउँमा अर्को ग्रिनेट पनि भेटिएको उनले बताए । त्यो क्षेत्र सिल गरिएको छ । नेपाली सेनाको डिस्पोजल टोली त्यहाँ पुगेको छ । 

डाडागाउँ भन्ने ठाउँमा आइतराज केरुङको घरमा विष्फोट भएको थियो। सुरक्षा निकायले यसलाई ‘होममेड ग्रिनेट’ को विस्फोट भएको अनुमान गरेको छ । माओवादीको द्वन्दकालमा यो घर सेल्टरको रुपमा प्रयोग भएकोले त्यति बेलाकै ग्रिनेड हुनसक्ने प्रहरीले अनुमान गरेको छ ।