काठमाडौंबाट चढेर गएको हेलिकोप्टर बिग्रियो, अर्कोबाट फर्किए प्रधानमन्त्री ओली

१४ भदौ, काठमाडौं । शुक्रबार प्रधानमन्त्री केपी शर्मा ओली चढेको हेलिकोप्टर काभ्रे पुगेर बिग्रिएको छ । उनी अर्को हेलिकोप्टर चढेर काठमाडौं फर्किएका छन् । काठमाडौं विश्वविद्यालयको दिक्षान्त समारोहमा सहभागी हुन धुलिखेल पुगेका प्रधानमन्त्री ओली चढेको हेलिकप्टर बिग्रिएको हो ।

स्रोतका अनुसार उनी दिक्षान्त समारोहमा सहभागी हुन नेपाली सेनाको एनए ०६७ कलसाइनको हेलिकप्टरबाट काभ्रे पुगेका थिए । तर, त्यो हेलिकप्टर बिग्रिएपछि प्रधानमन्त्री लिन अर्को हेलिकप्टर पठाइएको थियो । 

विश्वविद्यालयको २९ औं दिक्षान्त समारोहमा प्रमुख अतिथिको रुपमा सहभागी ओली लिन काठमाडौंबाट नेपाली सेनाको अर्को हेलिकप्टर गएको थियो । ओली धुलिखेलबाट फर्किसकेका छन् । हेलिकोप्टर भने मर्मत भइरहेको जनाइएको छ ।