झापामा बसको ठक्करबाट महिलाको मृत्यु

१५ भदौ, झापा । झापाको बिर्तामोडमा बसको ठक्करबाट एक महिलाको मृत्यु भएको छ । मृत्यु हुनेमा इलाम माई नगरपालिका– ४ की ३० वर्षीया तुलसा पाँचकोटी रहेको प्रहरीले जनाएको छ ।शनिबार साँझ प्र १–०२–००२ ख ००३५ नम्बरको यात्रुवाहक बसले बाटो क्रस गर्दै गरेको प्र १–०१–०१३ प ५७०० नम्बरको मोटरसाइकललाई ठक्कर दिएको थियो । 

बसको ठक्करबाट मोटरसाइकलको पछाडि बसेकी उनी घाइते भएकी थिइन् । पछि विर्तामोडमा रहेको बीएन्डसी अस्पतालमा उपचारका लागि पठाइएको थियो । उपचारका लागि अस्पताल लैजाँदै गर्दा उनको बाटैमा मृत्यु भएको प्रहरीले जनाएको छ ।