राष्ट्रपतिसमक्ष बुझाइयो राष्ट्रिय सुरक्षा परिषद्को प्रतिवेदन

२५ भदौ, काठमाडौं । सरकारले राष्ट्रिय सुरक्षा परिषदको वार्षिक प्रतिवेदन राष्ट्रपतिसमक्ष बुझाएको छ । राष्ट्रपति रामचन्द्र पौडेल समक्ष प्रधानमन्त्री केपी शर्मा ओलीले वार्षिक प्रतिवेदन पेस गरेका हुन् । 

संवैधानिक रुपमा राष्ट्रिय सुरक्षा परिषदको अध्यक्षको हैसियले प्रधानमन्त्री ओलीले मंगलबार राष्ट्रपति भवन शीतल निवासमा आयोजित एक समारोहकाबीच राष्ट्रपति पौडलेललाई आर्थिक वर्ष २०७९–८० र २०८०–८१ को वार्षिक प्रतिवेदन पेस गरे ।

नेपालको संविधानको धारा २६६को उपधारा ३ मा राष्ट्रिय सुरक्षा परिषद्ले परिषद्ले गरेको काम कारबाहीको वार्षिक प्रतिवेदन राष्ट्रपति समक्ष पेश गर्नुपर्ने व्यवस्था छ । सो समारोहमा गृहमन्त्री रमेश लेखक, परराष्ट्रमन्त्री आरजु राणा देउवा रक्षामन्त्री मानबीर राई सुरक्षा अंगका प्रमुलगायत परिषद सदस्यहरूको उपस्थिति थियो ।