इन्द्रजात्राका लागि लिङ्गो नगर प्रवेश

२६ भदौ, काठमाडौं । यस वर्षको इन्द्रजात्राका लागि लिङ्गो नगर प्रवेश गराइएको छ । साइत अनुसार आज बिहान १०:३२ बजे भोटाहिटीबाट लिङ्गो नगर प्रवेश गराइएको हो । यही भदौ २० गते बुधबार बिहान १०:४८मा वनयात्रा गरी बेलुकी ८:२७ मा लिङ्गोका लागि रुख काटिएको थियो ।

लिङ्गोलाई भदौ ३० गते बिहान ८:२६ बजेको साइतमा इन्द्रध्वजोत्थान गरिने साइत रहेको छ । इन्द्रध्वजोत्थान गरेपछि असोज १ गते कुमारीलाई तल्लो टोल यात्रा गराइने छ ।