कोपुण्डोलमा सडक भासियो, पानी निस्किएर छताछुल्ल

२९ भदौ, काठमाडौं । शनिबार दिउँसो काठमाडौंको कोपुण्डोलमा सडक फुटेर पानी निस्किएको छ । कोपुण्डोलबाट पुल्चोकतर्फ जाँदा होटल हिमालय अगाडिको सडक फुटेर पानी निस्केको हो । 

सडकबाट पानी निस्कँदा गाडी तथा मोटरसाइकल चालक र सडक छेउका व्यापारीहरू समस्यामा परेका छन् । उक्त पानी ढल फुटेर हो वा मेलम्ची आयोजनाको पाइप फुटेर सडकमा निस्केको हो भन्ने कुरा अनुमान भइरहेको प्रहरीले जनाएको छ । पानी निस्किएका कारण सडक नै भासिएको छ ।

तस्बिर :  नेपाल फोटो लाइब्रेरी