साङ्घाईमा ७५ वर्षयताकै सबैभन्दा शक्तिशाली आँधी र व्यापक हावाहुरीसहित मुसलधारे वर्षा
नेपालबहस संवाददाता
भदौ ३१, २०८१ सोमबार १६:२:१९
३१ भदौ, काठमाडौं । चीनमा आएको यस वर्षको १३ औं आँधी ‘बेबिन्का’ सोमबार बिहान ७ः३० बजे साङ्घाईमा अवतरण गरेको छ ।
साङ्घाई केन्द्रीय मौसम विज्ञान वेधशालाका अनुसार आँधीको केन्द्र नजिकै पुदोङ जिल्लाको लिङ्गाङ क्षेत्रको समुद्री किनारमा अवतरण भएको छ । साङ्घाइमा अवतरण गर्ने समयमा आँधीको अधिकतम शक्ति ४२ मिटर प्रति सेकेण्डसम्म पुगेको बताइएको छ ।
साङ्घाईमा ७५ वर्षयताकै सबैभन्दा शक्तिशाली आँधी मानिएको ‘बेबिन्का’ का कारण व्यापक हावाहुरीसहित मुसलधारे वर्षा भएको छ ।
सामाजिक सञ्जालमा सार्वजनिक भएका तस्वीरमा आँधीका कारण रूखहरु ढलेको र बत्तीका खम्बाहरु ढलेको देखिएको छ । मध्य–शरद ऋतु पर्वको तीन दिने बिदाको सोमबार दोस्रो दिन हो । साङ्घाईका अधिकारीहरूले त्यहाँका बासिन्दालाई अति आवश्यक नपरेसम्म घरभित्रै बस्न सल्लाह दिएका छन् ।
चीनको मौसम विज्ञान प्रशासनको ‘साङ्घाई टाइफून इन्स्टिच्युट’का उपप्रमुख ताङ जीले आँधीको प्रभाव सोमबार रातिसम्म तीव्र रहने बताए । राज्यको बाढी नियन्त्रण तथा खडेरी राहत मुख्यालयले आइतबार पूर्वी चीनको अनहुई प्रान्तका लागि चौथो तहको आपतकालीन प्रतिक्रिया सक्रिय पारेको छ भने साङ्घाई र झेजियाङमा प्रतिकार्यलाई तेस्रो तहमा पुर्याएको छ ।
‘बेबिन्का’ का कारण साङ्घाईमा उडानहरू रद्द भएका छन् शहरका यात्रुबाहक पानीजहाजको आवागमनलाई रोकिएको छ । साङ्घाई रेलवे स्टेसनले पनि आइतबारदेखि सोमबारसम्म शहर भएर जाने विभिन्न रुटमा यात्रुवाहक रेल सेवा बन्द गरेको छ ।
“साङ्घाई डिज्नील्याण्ड, डिज्नीटाउन र विशिङ स्टार पार्क सोमबार बन्द रहेका छन् र दुई रिसोर्ट होटलले आन्तरिक पाहुनालाई सेवा प्रदान गरिरहेका छन्,” साङ्घाई डिज्नी रिसोर्टले एक विज्ञप्ति जारी गरी दिएको जानकारीमा भनिएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपजम्मू–कश्मीर विधानसभा चुनावमा ५९.१९ प्रतिशत मतदान
असोज २, २०८१ बुधबार
रुसमा जन्मदर घटेपछि कामको बीचमा शारीरिक सम्बन्ध बनाउन पुटिनको अपिल
असोज २, २०८१ बुधबार
कडा सुरक्षाका बीच जम्मू कश्मीरमा पहिलो चरणको मतदान जारी
असोज २, २०८१ बुधबार
प्रतिवेदन अनुसार रविलाई कारवाही भए चार वटा मुद्धा चल्ने
नेपालबहस संवाददाता
असोज १, २०८१ मंगलबार
संवैधानिक परिषदमा प्रचण्डको अस्वाभाविक बार्गेनिङ !
नेपालबहस संवाददाता
असोज १, २०८१ मंगलबार
डीएसपी सरुवाः इन्चार्जमा ३० सीट तर सयभन्दा बढीको दावी
नेपालबहस संवाददाता
भदौ ३१, २०८१ सोमबार
कांग्रेसको सय दिने अभियानमा जिल्ला जाने प्रतिनिधिलाई सानेपामा आज प्रशिक्षण
असोज २, २०८१ बुधबार
रुसमा जन्मदर घटेपछि कामको बीचमा शारीरिक सम्बन्ध बनाउन पुटिनको अपिल
असोज २, २०८१ बुधबार
क–कसले पाए ‘एसियन प्रोफेसनल एचिभमेन्ट अवार्ड’ ?
असोज २, २०८१ बुधबार
लाखेनाचसहित समापन भयो ललितपुरको इन्द्रजात्रा
असोज २, २०८१ बुधबार
ओमानविरुद्ध नेपालको खराब शुरुवात, दुवै ओपनर गुमायो
असोज २, २०८१ बुधबार
प्रधानमन्त्री ओली शुक्रबार न्यूयोर्क प्रस्थान गर्ने
असोज २, २०८१ बुधबार
‘लोकतन्त्र र संविधान’ विषयक पोस्टर कला प्रदर्शनी
असोज २, २०८१ बुधबार