रास्वपा लक्षित गृहमन्त्रीको अभिव्यक्तिः अपराधीलाई सघाउने गरी प्रहरीसँग जाइलाग्न मिल्दैन

४ कात्तिक, काठमाडौं । गृहमन्त्री रमेश लेखकले कुनै अपराधमा पक्राउ परेको व्यक्तिका विषयलाई लिएर सुरक्षामा खटिएको प्रहरीमाथि जाइलाग्नु राजनीतिक चरित्र नभएको बताएका छन् । उनले कानुनअनुसार सबै खालको अपराधको अनुसन्धान हुने बताएका छन् ।

आइतबार उपत्यका ट्राफिक प्रहरी कार्यालयमा आयोजना गरिएको एक कार्यक्रममा गृहमन्त्री रमेश लेखकले यस्तो बताएका हुन् । आजदेखि सुरू गरिएको उक्त डिजिटल चिटमा उल्लिखित जरिवाना रकम सवारी चालकहरूले डिजिटल पेमेन्ट वालेटमार्फत तत्काल भुक्तानी गर्न सकिनेछ ।

कार्यक्रममा उनले अपराध गरेकाहरूलाई पनि प्रहरीमाथि आक्रमण गर्ने प्रयास नगर्न सचेत गरे । प्रहरीले संयमित भएर, सरल भएर, सहज भएर इमान्दार भएर नागरिकको, व्यक्तिको सेवा गर्ने र सेवा प्रदान गर्ने काम गर्छ । अन्याय गर्ने मानिसले पनि अन्याय गरिहाल्ने, त्यसपछि झगडा गर्न आउने काम पनि गर्नु हुन्न, उनले भने । 

गल्ती गरेर प्रहरीसँग जाइलाग्न नहुने पनि उनले बताए। ‘गल्ती गर्ने अनि प्रहरीसँग जाइलाग्ने, झगडा गर्ने अथवा मैले भनेको कुरा ठिक हो भन्ने ढंगले जानु हुन्न,’ गृहमन्त्री लेखकले भने । ट्राफिक नियमको प्रभावकारी कार्यान्वयनमा लागि विद्यालय तहमा बढी जोड दिएर सचेतना कार्यक्रमलाई अघि बढाउन आवश्यक भएको पनि उनले बताए ।