उत्तर कोरियाले युक्रेनविरुद्ध लड्न थप १५ सय सेना पठाएको दक्षिण कोरियाको दाबी
नेपालबहस संवाददाता
कात्तिक ७, २०८१ बुधबार १९:५९:५७
७ कात्तिक, काठमाडौं । दक्षिण कोरियाको गुप्तचर निकायका प्रमुखले उत्तर कोरियाले रुसमा थप १५ सय सैनिक पठाएको बताएका छन् । यी उत्तर कोरियाली सैनिकहरू रसियालाई मद्दत गर्न युक्रेनको मोर्चामा लडिरहेको दाबि गरिएको छ ।
अघिल्लो साता पनि दक्षिण कोरियाले उत्तर कोरियाली सैनिक युक्रेनी मोर्चामा लडिरहेको कुरा गरेको थियो । बुधबार दक्षिण कोरियाको गुप्तचर एजेन्सीका प्रमुख चो ताए यङले संसदीय समितिलाई यसबारे जानकारी दिएका थिए । बैठकपछि दक्षिण कोरियाका सांसदहरूले पनि यसको पुष्टि गरेका छन् ।
उत्तर कोरियाले डिसेम्बरसम्ममा आफ्ना १० हजार सैनिक रुस पठाउने तयारी गरिरहेको दक्षिण कोरियाली गुप्तचर प्रमुख चो ते यङले बताएका छन् । हालै युक्रेनी राष्ट्रपति भोलोडिमिर जेलेन्स्कीले पनि आफूसँग १० हजार उत्तर कोरियाली सैनिक रुसको तर्फबाट युद्ध लड्न तयार रहेको जानकारी रहेको दाबी गरेका थिए ।
पछिल्लो दुई वर्षमा रुस र उत्तर कोरियाबीचको सम्बन्ध निकै सुमधुर बनेको छ । जुन महिनामा दुवै देशले महत्वपूर्ण रक्षा सम्झौतामा हस्ताक्षर गरेका थिए जसअन्तर्गत कुनै पनि देशमा आक्रमण भएमा दुवै देशले एकअर्कालाई तत्काल सैन्य सहायता उपलब्ध गराउनेछन् ।
दक्षिण कोरियाको गुप्तचर निकायका प्रमुखले पनि उत्तर कोरियाले सन् २०२३ को अगस्टदेखि करिब १३ हजार कन्टेनर तोपखाना, मिसाइल र अन्य हतियार रुस पठाएको दाबी गरेका छन् । युक्रेन युद्धमा सहयोगको बदलामा रुसले उत्तर कोरियालाई महत्वपूर्ण हतियार र प्रविधि उपलब्ध गराउन सक्ने दक्षिण कोरियाको डर छ ।
उनीहरूले उत्तर कोरियाको आणविक र मिसाइल कार्यक्रममा रुसले पनि सहयोग गर्न सक्ने आशंका गरेका छन् । तर, अमेरिका र नेटो देशहरूले अहिलेसम्म उत्तर कोरियाले युक्रेनको मोर्चामा आफ्ना सेना पठाएको पुष्टि गरेका छैनन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपरुसमा मोदी र जिनपिङबीच भेटवार्ता
कात्तिक ७, २०८१ बुधबार
टर्कीको एयरोस्पेस कम्पनिमा हमला, चार जनाको मृत्यु
कात्तिक ७, २०८१ बुधबार
नयाँ इजरायली निकासी आदेश पछि लेबनानी नागरिकको भागाभाग
कात्तिक ७, २०८१ बुधबार
रविलाई भैरहवा लगिँदै, जोशीलाई पुनः कास्की ल्याइँदै, अनुसन्धान थप फराकिलो बन्दै
कुसुम सेञ्चुरी
कात्तिक ७, २०८१ बुधबार
गृहमन्त्री र आईजीपीबीच खटपट ?
नेपालबहस संवाददाता
कात्तिक ६, २०८१ मंगलबार
रविलाई भैरहवा लगिँदै, जोशीलाई पुनः कास्की ल्याइँदै, अनुसन्धान थप फराकिलो बन्दै
कात्तिक ७, २०८१ बुधबार
सवारी चालकमाथि ट्राफिक प्रहरीले गैरकानूनी काम गरी दुःख दिएको भन्दै सर्वोच्चमा रिट दायर
कात्तिक ७, २०८१ बुधबार
रुसमा मोदी र जिनपिङबीच भेटवार्ता
कात्तिक ७, २०८१ बुधबार
टर्कीको एयरोस्पेस कम्पनिमा हमला, चार जनाको मृत्यु
कात्तिक ७, २०८१ बुधबार
कीर्तिमानी आरोही बुढामगर प्रतिष्ठित ‘प्राइड अफ ब्रिटेन अवार्डस्’ बाट सम्मानित
कात्तिक ७, २०८१ बुधबार
वडाध्यक्ष यादव हत्याका दुई आरोपी जेल चलान
कात्तिक ७, २०८१ बुधबार
बेलबारी गोल्डकप : सलहेस फुटबल क्लब सेमिफाइनल प्रवेश
कात्तिक ७, २०८१ बुधबार
झापामा बसको ठक्करबाट हजुरबुबा र नातिनीको मृत्यु
कात्तिक ७, २०८१ बुधबार