प्रधानमन्त्री ओलीले बोलाए मन्त्रिपरिषद्को बैठक

१३ कात्तिक, काठमाडौं । आज मन्त्रिपरिषद् बैठक बस्दै छ । प्रधानमन्त्री केपी शर्मा ओलीले मंगलबार साँझ ५ बजे बस्ने गरी मन्त्रिपरिषद्को नियमित बैठक बोलाएका छन् । सोमबार र बिहीबार मन्त्रिपरिषद्को बैठक बस्ने गरे पनि सोमबार बस्न सकेको थिएन । 

मंगलबार बस्ने बैठकमा डेडिकेट र ट्रकलाइन विद्युत् महसुल र प्राधिकरणका कार्यकारी निर्देशक कुलमान घिसिङबारे निर्णय गर्न सक्ने बताइएको छ । डेडिकेटेट टंक लाइनको महसुल नतिर्ने ३४ उद्योगको विद्युत् लाइन काटिएको छ । लाइन जोड्न उद्याृगीले सरकारलाई दवाव दिएका छन् । 

बैठकमा ट्रंकलाइन र डेडिकेटेड विद्युत सम्बन्धी विवाद लगायतका विषयमा छलफल हुने जनाइएको छ । गत बिहीबार बस्ने तय भएको मन्त्रिपरिषदको अन्तिम समयमा स्थगित भएको थियो । सोमबार र बिहीबार मन्त्रिपरिषदको नियमित बैठक बस्ने गर्दछ ।