लायन्स क्लव ३२५ केले चोभारमा मञ्जुश्री पार्क बनाउने, अनुमानित लागत ३५ लाख

१६ कात्तिक, काठमाडौं । लायन्स क्लब डिष्ट्रिक्ट ३२५ केले ऐतिहासिक क्षेत्र चोभारमा मञ्जुश्री पार्क बनाउने निर्णय गरेको छ । पोखरामा सम्पन्न क्याबिनेट बैठकले चोभारमा मञ्जुश्री पार्क बनाउने निर्णय गरेको हो । यो पार्क बनाउन ३५ लाख लागत लाग्ने अनुमान गरिएको छ भने लायन्स सदस्यहरूबाट यसका लागि सहयोग जुटाइनेछ । अन्य दाताहरुले पनि यसका लागि सहयोग गर्न सक्ने बताइएको छ । 

लायन्स जोन लिडर राजकुमार बस्नेतका अनुसार पोखरामा अन्तर्राष्ट्रिय डाइरेक्टर बालकृष्ण बुर्लाकोटीको प्रमुख आथित्यतामा सम्पन्न क्याबिनेट बैठकबाट मन्जुश्री पार्क बनाउने निर्णय भएको हो । सबै लाइन मेम्बर र लिडरहरूले यसका लागि आफूले सक्ने सहयोग गर्ने प्रतिवद्धता पनि जनाएका छन् । लायन्स डिष्ट्रिक्ट ३२५ केका गभर्नर निरा बज्राचार्यको नेतृत्वमा सो पार्क निर्माण हुनेछ । 

यसअघि मञ्जुश्रीले काठमाडौं उपत्यका दह भएका बेला यहाँको पानी बगाएको भन्ने मिथकलाई दर्साउन चोभारमा मञ्जुश्रीको प्रतिमा स्थापना गरिएको छ । कीर्तिपुर नगरपालिका वडा नं. ६ मा पर्ने जलविनायक सामुदायिक वनमा ३३ फिटको प्रतिमा राखिएको छ । अब लायन्स क्लबले मञ्जुश्री पार्क बनेपछि यसको थप शोभा बढ्नेछ । लायन्स सदस्यले आफ्नो हातबाट सहयोग गरेर पार्क निर्माणमा योगदान पुर्याउनेछन् । 

कम्तिमा ३० लाखको हाराहारीमा पार्क बनाउन अनुमानित रकम सहयोग गर्ने सहमति भएको छ । सहयोग संकलनका लागि अहिले संयोजक भने ताकिएको छैन । जोन लिडर बस्नेतले यसमा संयोजक पछि तोकिने र संयोजकमध्येबाट आर्थिक समिति बनाइ रकम सहयोगका लागि क्यूआर कोड दिइनेछ । दानले आफ्नो ग्रह कट्टा हुने जन बिस्वास पनि रहेको छ । दाताको नाम शिलामा लेखिने हुँदा यो इतिहाससँग पनि जोडिने बस्नेताले बताए । 

मन्जुश्री पार्क आफैंमा एउटा इतिहास हुनेछ भने यसमा जोडिन पाउनु आफ्नो भाग्य भएको लायन्सका सदस्यहरू बताउँछन् । हातमा हात र साथमा साथले नै मानवलाई अमर बनाउँछ  । अन्य कुनै पनि प्रणिलाई त्यो शक्ति प्राप्त छैन, जो मानवलाई छ । बिबेक र बिबेकको प्रयोग नै आफैंमा एउटा इतिहास हो प्रकृति र विज्ञानसँग जोडिएको मन्जुश्री पार्क लायन्स ३२५ केले बनाउन लागे पनि यो पार्क राज्यकै सम्पति भएको बस्नेतको भनाइ छ । 

उनले अन्दाजी ४ आना बराबरको जग्गा लायन्सलाई प्राप्त भएको बताए । बस्नेतले भने, सबै लायन्स परिवारमा सहयोगको लागि आह्वान गरिनेछ ।  इच्छा हुनेहरूको लागी स्वैच्छिक सहभागिता जनाउन सकिनेछ भने यो संस्था सबै लायन्स सदस्यहरुको भएकाले जसरी चलाउने हो त्यो अनुसार चलाउन सकिन्छ । सबै जुटौ र पोखरामा भएको निर्णयलाई साकार पारौँ ।’