यसरी हुँदैछ उपत्यकामा छठको तयारीः फोटोफिचर

२० कात्तिक, काठमाडौं । बागमती नदीको गुह्येश्वरीदेखि गौरीघाटसम्म र कमलादीमा रहेको कमलपोखरीमा छठ पूजाको तयारी सुरु भएको छ। छठ पूजा समितिका अनुसार यो वर्ष गुह्येश्वरीमा ६०० वटा स्टल बनाउने तयारी रहेको छ भने कमलपोखरीमा ३६५ वटा स्टल निर्माण गरिएको छ।

गुह्येश्वरीमा छठको तयारीका लागि लागत करिब २० लाख रुपैयाँभन्दा बढी लाग्ने अनुमान गरिएको छ। यस वर्ष भक्तजनका लागि प्रति स्टल १ हजार ५०० रुपैयाँ सेवा शुल्क तोकिएको समितिले जनाएको छ भने कमलपोखरीमा सम्पूर्ण तयारी काठमाडौं महानगरको सहयोगमा गरिएकोले कमलपोखरीमा स्टलको कुनै सेवा शुल्क नतोकिएको कमलपोखरी छठ व्यवस्थापन समिति तथा रौनियार संस्कृति पूजा समाज, नेपालले जनाएको छ।