राष्ट्रिय कर दिवस: धेरै आयकर तिर्नेमा पर्यो नेपाल टेलिकम, वित्तीय र बीमातर्फ नविल बैंक अगाडि

१ मंसिर, काठमाडौं । आन्तरिक राजस्व विभागले करदातालाई सम्मान गरेको छ । राष्ट्रिय कर दिवसका अवसरमा शनिबार एक कार्यक्रमका बीच उत्कृष्ट करदातालाई सम्मान गरेको हो । यसपटक सबैभन्दा धेरै आयकर दाखिला गर्नेमा नेपाल दूरसञ्चार कम्पनी (नेपाल टेलिकम) बनेको छ भने व्यक्तितर्फ राजबहादुर शाह धेरै आयकर तिर्ने करदाताका रुपमा सम्मानित भएका छन् ।

राजस्व विभागले सबैभन्दा बढी कर तिर्ने कम्पनीलाई सम्मान गरेको हो ।  विभागले २०७९/८० मा बढी कर तिर्ने कम्पनीलाई कर दिवसको अवसरमा शनिबार सम्मान गरेको हो । विभागका अनुसार सबैभन्दा धेरै आयकर तिर्नेमा टेलिकम र वस्तु निर्याततर्फ सबैभन्दा धेरै कारोबार गर्नेमा डाबर नेपाल छ । पर्यटन व्यवसायतर्फ सबैभन्दा धेरै कर तिर्नेमा तारागाउँ रिजेन्सी होटल छ । 
 
वस्तु व्यापारबाट बढी कर तिर्नेमा भाटभटेनी सुपरमार्केट एण्ड डिपार्टमेन्टल स्टोर छ । आर्थिक वर्ष २०७९/८० मा वस्तु व्यापारबाट बढी कर तिर्ने करदाताको रूपमा भाटभटेनी सम्मानित भएको छ । विशेष उद्योगहरुमध्ये आयविवरण अनुसार सबैभन्दा बढी आयकर बुझाउनेमा वरुण वेभरेज नेपाल छ । रेमिटेन्स तथा मनी ट्रान्सफरको कारोबार गर्नेमध्ये सबैभन्दा धेरै कर तिर्नेमा सिटी एक्सप्रेस मनी ट्रान्सफर छ ।

विभागका अनुसार एकलौटी फर्महरूमध्ये श्रुती ट्रेडर्स, सूचना प्रविधिसम्बन्धी सेता निर्यातमा कोडावतार प्रालि,  कृषि तथा पशुपंक्षी उद्योगमा पतञ्जली आयुर्वेद, बैंक, वित्तीय र बीमातर्फ  नबिल बैंक र स्वास्थ्य तथा शैक्षिक संस्थामा लुम्बिनी मेडिकल कलेज एण्ड टिचिङ हस्पिटल पहिलो हुँदै सम्मानित भएका छन् ।

वार्षिक कारोबार ५० देखि बढीमा १०० करोडसम्म कारोबार गर्ने करदाताहरुमध्ये सीडीएस् एण्ड क्लियरिङ लिमिटेड, ऊर्जामूलक उद्योगमध्ये भोटेकोशी पावर कम्पनी, रेमिट्यान्स तथा मनी ट्रान्सफरतर्फ सिटी एक्सप्रेस र मूल्य अभिवृद्धि कर विवरण र सो बमोजिम कर समयमै दाखिला गरी नियमित कर सहभागिता जनाएका करदातामध्ये होङ्सी शिवम् सिमेन्ट प्रालि सम्मानित भएका छन् ।

 को को छान अगाडि

एकलौटी फर्मतर्फ: श्रुति ट्रेडर्स

निर्यात: डाबर नेपाल

सूचना प्रविधि निर्यात: कोडावतार टेक प्रालि

कृषि तथा पशुपंक्षीजन्य उद्योग: पतञ्जलि आयुर्वेद

बैङ्क तथा वित्तीय संस्था: नबिल बैङ्क 

स्वास्थ्य सेवा तथा शैक्षिक संस्थातर्फ:  लुम्बिनी मेडिकल कलेज 

पर्यटन व्यवसाय: तारागाउँ रिजेन्सी होटल

वस्तु व्यापार: भाटभटेनी सुपर मार्केट

५० करोडदेखि १ अर्बसम्मको कारोबारमा बढी कर तिर्ने: सीडीएस एन्ड क्लियरिङ 

ऊर्जा: भोटेकोसी पावर कम्पनी

रेमिटेन्स तथा मनि ट्रान्सफर: सिटी एक्सप्रेस मनि ट्रान्सफर 

व्यक्तिगत आयकर: राजबहादुर शाह

मूल्य अभिवृद्धि कर (भ्याट) तर्फ धेरै र नियमित: होङ्सी सिमेन्ट

५० करोडसम्म कारोबार : सोल्टी इन्टरप्राइजेज 

विशेष उद्योग: वरुण वेभरेज

सबैभन्दा धेरै आयकर तिर्ने: नेपाल टेलिकम