आफूलाई गैरकानुनी रुपमा थुनामा राखिएको भन्दै दुर्गा प्रसाईँले दर्ता गराए बन्दी प्रत्यक्षीकरण रिट

७ मंसिर, काठमाडौं । सामाजिक सञ्जालमा प्रधानमन्त्रीविरुद्ध अभिव्यक्ति दिएको आरोपमा पक्राउ परेका मेडिकल व्यवसायी दुर्गा प्रसाईँले सर्बोच्च अदालतमा बन्दी प्रत्यक्षीकरणको रिट दर्ता गराएका छन् । गैरकानुनी रूपमा थुनामा राखिएको भन्दै उनले आफ्नो कानुनी व्यवसायी मार्फत सर्वोच्च अदालतमा शुक्रबार रिट दर्ता गराएका हुन् । 
 
रिटको पेसी आइतबारका लागि तोकिएको सर्वोच्च प्रशासनले जानकारी दिएको छ । सीआईबीले प्रसाईँलाई मंसिर ४ मा पक्राउ गरेर विद्युतीय कारोबार ऐनमा अनुसन्धान गरिरहेको छ ।  उनीमाथि प्रहरीले सम्पत्ति शुद्धीकरणसम्बन्धी कसुरमा पनि अनुसन्धान सुरु गरेको छ ।