न्यायाधीश शर्माको एकल इजलासमा पर्यो दुर्गा प्रसाईंको बन्दी प्रत्यक्षीकरण रिटको पेशी

९ मंसिर, काठमाडौं । सामाजिक सञ्जालको दुरुपयोग गरी प्रधानमन्त्री केपी शर्मा ओलीलाई तथ्यहीन गाली गरेको भन्दै साइबर अपराध अन्तर्गत पक्राउ परी हिरासतमा रहेका मेडिकल व्यवसायी दुर्गा प्रसाईंको बन्दी प्रत्यक्षीकरण रिटको पेशी सर्वोच्च अदालतका न्यायाधीश मनोज शर्माको एकल इजलासमा परेको छ ।  

साइबर अपराधसहित सम्पत्ति शुद्धीकरणमा समेत अनुसन्धानका लागि पक्राउ परेपछि शुक्रवार प्रसाईँका तर्फबाट बन्दीप्रत्यक्षीकरणको निवेदन दर्ता भएको थियो । उनले प्रधानमन्त्री ओली विरुद्ध भिडियो सन्देशमार्फत ‘विवादास्पद अभिव्यक्ति’ दिएका थिए । यसपछि साइबर अपराध आरोपमा उनलाई पक्राउ गरिएको थियो ।