आइतबार सुनको भाउ १७ सयले बढ्यो, तोलाको कति ?

९ मंसिर, काठमाडौं । नेपाली बजारमा सुनको भाउ लगातार ६ दिनदेखि बढेको छ । आइतबार पनि सुनको भाउ १७ सयले बढेको छ । लगातार ६ दिनमा सुनको भाउ ७२ सय रूपैयाँले बढेको छ । नेपाल सुनचाँदी व्यवसायी महासंघका अनुसार आइतबार छापावाल सुन प्रतितोला १७ सय रूपैयाँले बढेर १ लाख ६७ हजार २०० रुपैयाँ कायम भएको छ । 

यसअघि सोमबार, मंगलबार र बुधबार, बिहीबार र शुक्रबार सुनको भाउ क्रमशः प्रतितोला १ हजार, ११ सय, ९ सय, १ हजार र १५ सय रूपैयाँले बढेको थियो । यता, आइतबार चाँदीको भाउ पनि तोलामा २० रूपैयाँले बढेर १९ सय ६० रुपैयाँ कायम भएको छ । 

शुक्रबार चाँदीको भाउ तोलाको १९ सय ४० रुपैयाँ कायम रहेको थियो । अन्तर्राष्ट्रिय बजारमा आज सुन प्रतिऔंस २ हजार ७१५.२८ र चाँदी प्रतिऔंस ३१.३४ डलरमा कारोबार भइरहेको छ ।