म्याद थप गर्न दुर्गा प्रसाईंलाई अदालत लगियो

९ मंसिर, काठमाडौं । प्रहरीले मेडिकल व्यवसायी दुर्गा प्रसाईंलाई म्याद थपका लागि काठमाडौं जिल्ला अदालत पुर्याएको छ । यसअघि अदालतले पाँच दिन हिरासतमा राखेर अनुसन्धान गर्न दिएको म्याद सकिएपछि पुन म्याद थपको लागि अदालत लगिएको हो । 
 
गत मंगलबार भक्तपुरस्थित निवासबाटै पक्राउ परेका उनलाई प्रहरीले बुधबार कार्यालय खुलेसँगै अदालतमा पेस गरेको थियो । प्रधानमन्त्री केपी शर्मा ओलीविरुद्ध भिडियो सन्देशमार्फत ‘विवादास्पद अभिव्यक्ति’ दिएपछि उनी पक्राउ परेका थिए ।  साइवर अपराधसहित सम्पत्ति शुद्धीकरणमा समेत उनीमाथि अनुसन्धान भइरहेको छ ।