एक खतरनाक जीव, जसले ६० फिट लामो ह्वेल शार्कको सिकार गर्छ, वैज्ञानिक अचम्मित !

१६ मंसिर, काठमाडौं । वैज्ञानिकहरूले समुद्रमा एउटा अचम्मको घटना भएको बताएका छन् ।

मेक्सिकोमा किलर ह्वेलले ह्वेल सार्कको सिकार गरेको पाइएको छ। किलर ह्वेललाई ओर्का पनि भनिन्छ र यी ह्वेलहरूले शार्कलाई पनि मार्न सक्छन् भन्ने एउटा रिपोर्ट हालै सार्वजनिक भएको छ ।  ह्वेल सार्क संसारमा सबैभन्दा ठूलो सार्क प्रजाति हो र जो ६० फिटसम्म लामो हुन्छ ।

यो घटना प्रशान्त महासागरमा मेक्सिकोको तटमा घटेको हो । रिपोर्टका अनुसार ओर्कासको एउटा समूहले चलाखीपूर्वक यहाँ ह्वेल सार्कको सिकार गरी मारेको छ । यसअघि पनि मानिसहरूले यस्ता घटनाहरू देखेको दाबी गरेका थिए तर पहिलो पटक सामुद्रिक वैज्ञानिकहरूले यो घटनालाई आधिकारिक रुपमा विश्वसामु प्रस्तुत गरेका छन् ।

फ्रन्टियर्स इन मरिन साइन्स जर्नलमा प्रकाशित एक अध्ययन अनुसार ओर्कासका बथानहरू क्यालिफोर्नियाको खाडीमा खाना खाने ठाउँहरूमा भेला हुन्छन्, यहाँ खानाको रूपमा ह्वेल सार्क पाउँछन्, जुन पूर्ण रूपमा उमेर पुगिसकेको भने छैन।

तिनीहरू आकारमा ३ देखि ७ मिटरसम्म रहेका छन, ले किलर ह्वेलहरूले सजिलै तिनीहरूलाई सिकार गर्न सक्छन्। एउटा कारक भनेको ह्वेल सार्कका साना दाँत हुन्छन् र तिनीहरूले आफूलाई बचाउन सक्दैनन्। तिनीहरूसँग गहिरोमा डुब्न बाहेक उम्कने अर्को उपाय छैन। तर, उम्कन नपाउँदै उनीहरू सिकारीको फन्दामा पर्छन् ।

युकेको कुम्ब्रिया विश्वविद्यालयका वन्यजन्तु संरक्षणका प्राध्यापक भोल्कर डिकेका अनुसार यी समुद्री जीवहरूले आफ्नो सिकार सजिलै समात्न सक्ने विशेष रणनीतिहरू विकास गर्न सक्षम रहेका छन् भनी बारम्बार देखिएको छ । वैज्ञानिकहरूले २०१८ देखि २०२४ सम्म मिडिया फुटेजको गहन विश्लेषण गरेर यो पत्ता लगाए कि उनीहरुले यस्तो खतरनाक माछा कसरी सिकार गर्न सक्छन् भन्ने ।

वैज्ञानिकहरूले पत्ता लगाए कि ओर्कास वा किलर ह्वेलहरू ह्वेल सार्क मार्न सामूहिक सिकारको उपाय प्रयोग गर्छन्। किलर ह्वेलले पहिले ह्वेल शार्कको तल्लो पेटमा आक्रमण गर्छ। यो चोट निकै तीखो हुन्छ र ह्वेल सार्कको रगत बग्न थाल्छ। यहाँ ओर्का व्हेलले सार्कलाई यसरी घुमाउँछ कि यसले तलको गहिराइमा डुब्न पनि दिँदैन । किलर ह्वेलले त्यसपछि आफ्नो शरीरका अंगहरू च्यात्छ र भित्री अंगहरू खान सुरू गर्दछ ।