कोशीका पूर्वमन्त्री लिलाबल्लभ अधिकारीलाई फेरी पक्राउ गर्न माग गरिएको रिट सर्वोच्चले दर्ता गरेन्

१६ मंसीर, काठमाडौं । कोशी प्रदेशका निवर्तमान मन्त्री लिलाबल्लभ अधिकारीलाई मुद्दा चलाउनुपर्ने मागसहित सर्वोच्च अदालतमा पेश भएको रिट निवेदनलाई सर्वोच्च अदालतले दर्ता गर्न अस्वीकार गरेको छ । अदालत प्रशासनले निवेदन दर्ता नगरी फर्काएको छ । सर्वोच्चका रजिष्ट्रार भद्रकाली पोखरेलले निवेदन दर्ता नगर्ने आदेश गरेका हुन् ।
 
अदालतले अधिकारीविरुद्ध मानव बेचबिखन मुद्दा नचलाई उन्मुक्ति दिने निर्णय विरुद्धको रिटलाई दर्ता गर्न अस्वीकार गर्दै दरपिठ गरेको हो । वरिष्ठ अधिवक्ता दिनेश त्रिपाठीले पेस गरेको रिट निवेदनमा आइतबार निर्णय गर्दै सर्वोच्च अदालतका रजिस्ट्रार भद्रकाली पोखरेलले रिट दर्ता गर्न अस्वीकार गर्दै दरपिठ गरेका हुन् । त्रिपाठीले शुक्रवार सर्वोच्चमा रिट पेस गरेका थिए । 

मानव तस्करी गर्ने एक समूहसँग संलग्न रहेको भन्दै अनुसन्धानका लागि मन्त्री अधिकारीलाई पत्रलाउ गरी हिरासतमा लिइएको थियो । तर जिल्ला सरकारी वकिलको कार्यालयले केही दिन अघि जिल्ला अदालतमा मुद्दा दायर गर्दा मन्त्रीलाई विभिन्न नौ आधार देखाउँदै मुद्दा नचल्ने निर्णय गरेको थियो ।

उक्त निर्णय बदर हुनुपर्ने र पुनः अभियोग पत्र दायर गर्नु भनी आदेश माग गरेर त्रिपाठीले सर्वोच्चमा रिट दिएका थिए । तर सर्वोच्चका रजिस्ट्रारले मुद्दा चलाउने वा नचलाउने अधिकार जिल्ला सरकारी वकिलको कार्यालयका प्रमुखलाई ऐनले नै दिएकाले त्यसविरुद्ध रिट दर्ता नहुने भन्दै दरपीठ गरिदिएका छन् ।