एसिया कपमा बंगलादेशसँग नेपाल ५ विकेटले पराजित

१६ मंसिर, काठमाडौं । एसीसी यू–१९ एसिया कपमा नेपाली युवा टोलीले लगातार दोस्रो हार व्यहोरेको छ । आइतबार भएको आफ्नो दोस्रो खेलमा नेपाल बंगलादेशसग ५ विकेटले पराजित भएको हो । यसअघि शुक्रबार श्रीलंकासँग पनि नेपालले पराजय व्यहोरेको थियो । 

आइतबार दुबईमा भएको समूह ‘बी’ को खेलमा नेपालले बंगलादेशसँग ५ विकेटको हार ब्यहोरेको हो ।  लगातार दोस्रो हारसँगै नेपाल समूह चरणबाटै बाहिरिने लगभग पक्का भएको छ । आइतबार नेपालले दिएको १४२ रनको लक्ष्य बंगलादेशले ५ विकेको क्षतिमा २८.४ ओभरमा पूरा गर्याे । 

बंगलादेशका लागि ओपनर जावद अबरारले ५९ रन जोड्दा कप्तान हमिम तमिमले नटआउट ५२ रन बनाए । बलिङमा नेपालका युवराज खत्रीले ४ विकेट लिए । उनले ६ ओभरमा १ मेडन राख्दा २३ रन दिए । त्यसअघि टस जितेको बंगलादेशले फिल्डिङ रोजेपछि पहिले ब्याटिङ गरेको नेपाल ४५.४ ओभरमा १४१ रनमा अलआउट भया े।