दुर्घटनामा चालकको मृत्यु पछि तुलसीपुर–घोराही सडकखण्ड अवरूद्ध

१८ मंसिर, काडमाडौँ  : दाङको तुलसीपुर–घोराही सडकखण्ड बिहान ८ बजेदेखी अवरूद्ध छ । दुर्घटना भएपछि मंगलबार बिहान ८ बजेदेखि  पीडित परिवारले सडकखण्ड अवरूद्ध गरेका हुन् । 

घोराही उपमहानगरपालिका १० झारबैरा चोकमा मृतकका आफन्तले चालकलाई कारबाही र राहत माग गर्दै सडक अवरूद्ध गरेको प्रहरीले जनाएको छ।  जिल्ला प्रहरी कार्यालयका प्रवक्ता डीएसपी ईश्वर थापाका अनुसार सोमबार राति टिपरको ठक्करबाट मोटरसाइकल चालक तुलसीपुर उपमहानगरपालिका -१९ कुटीचौरका १९ वर्षीय सुदिप बुढाथोकीको मृत्यु भएको बताइएको छ।  

मोटरसाइकलको पछाडि बस्ने तुलसीपुर १७ का २२ वर्षीय दिपक बस्नेतको घोराहीस्थित राप्ती स्वास्थ्य विज्ञान प्रतिष्ठानमा उपचार भइरहेको प्रहरीको भनाई छ।  उनका अनुसार घोराही उपमहानगरपालिका–१० झारबैरा चोकमा रा १ ख १२९१ नम्बरको टिपरले रा ७ प ७४६ नम्बरको मोटरसाइकललाई ठक्कर दिएको थियो । 
 

टिपर चालक घोराही (११ का ४० वर्षीय जितबहादुर चौधरी प्रहरी नियन्त्रणमा छन्। मोटरसाइकल चालकको मृत्यु भएपछि आफन्तले सडक अवरूद्ध गरेका छन्,  सञ्चालनमा ल्याउन छलफल गरिरहेका छौं, सोमबार पनि सडक अवरूद्ध थियो”डिएसपी थापाले भने,