माओवादी केन्द्रीय कमिटी बैठकमा पूर्वउपराष्ट्रपति पुनलाई उपाध्यक्षको हैसियत दिए प्रचण्डले

२१ पुष, काठमाडौं । नेकपा माओवादीको केन्द्रीय कमिटी बैठक सुरु भएको छ । बैठकमा पूर्वउपराष्ट्रपति नन्दबहादुर पुनलाई पनि उपाध्यक्षको हैसियतमा राखिएको छ । उनी बैठकमा सहभागी हुँदै आएपनि पद भने किटान भएको थिएन । धुम्बाराहीस्थित स्मार्ट दरबार व्यांक्वेटमा बैठक सुरु भएको हो । बैठकको सुरुमा अध्यक्ष प्रचण्ड समसामयिक राजनीति अवस्थाबारे ब्रिफिङ गर्नेछन् ।
 
आइतबारबाट काठमाडौंमा सुरु भएको केन्द्रीय समिति बैठकमा पूर्वउपराष्ट्रपति नन्दकिशोर पुनलाई उपाध्यक्षको लहरमा राखिएको छ । केन्द्रीय समिति बैठकमा सहभागी पुन अध्यक्ष पुष्पकमल दाहाल प्रचण्डकै लहरमा छन् ।  पुन बस्ने ठाउँअघि उपाध्यक्षको नेमप्लेट राखिएको छ ।

यसअघि आजै बिहान स्थायी कमिटी सदस्यहरूले नयाँ संगठनात्मक सिद्धान्तको विकास गर्न पार्टी नेतृत्वलालई सुझाव दिएका थिए । त्यसपछि प्रदेश अध्यक्षहरूले रिपोर्टिङ गरेपछि प्रचण्डले राजनीतिक दस्ताबेज पेश गर्ने कार्यतालिका रहेको छ ।  पुस २४ गतेसम्म सञ्चालन हुने बैठकमा पार्टीको आगामी समाजवादी कार्यदिशा, कार्यक्रम, योजना, सांगठानिक संरचनाबारे छलफल र बहस हुनेछ ।