संक्रमणकालीन न्यायसम्बन्धी ऐन बदरको माग राखेर सर्वोच्चमा ४४ जनाले दिए रिट निवेदन

२१ पुष, काठमाडौं । सर्वोच्च अदालतमा संक्रमणकालीन न्यायसम्बन्धी ऐन बदरको माग राख्दै रिट निवेदन दर्ता भएको छ । आइतबार अधिवक्ता ज्ञानेन्द्र आरणसहित ४४ जनाले संयुक्त रिट दर्ता गराएका छन् । यसअघि पनि टीआरसी ऐन खारेजीको माग गर्दै सर्वोच्चमा रिट दर्ता भएको थियो । 

अधिवक्ता ज्ञान बस्नेत र श्यामकृष्ण मास्केले बेपत्ता पारिएका व्यक्तिको छानबिन, सत्य निरुपण तथा मेलमिलाप आयोग ऐन पीडकमैत्री भएको भन्दै रिट दायर गरेका थिए । आइतबार अर्को रिट दर्ता भएको सर्वोच्चले जनाएको छ ।  अदालतका प्रवक्ता अच्युत कुइँकेलका अनुसार रिटमा टीआरसीको नयाँ ऐन बदरको माग गरिएको छ ।