पर्वतमा आगलागीमा परी ७२ वर्षीया वृद्धाको मृत्यु

२१ पुस, पर्वत । पर्वतमा आगलागीमा परी एक जना महिलाको मृत्यु भएको छ। मृत्यु हुनेमा कुश्मा नगरपालिका–१० पिपलटारी रोहोटेकी ७२ वर्षीया दुर्गादेवी पौडेल रहेकी छिन्। प्रहरीका अनुसार आइतबार बिहान कुश्मा नगरपालिका–१० पिपलटारी रोहोटे बस्ने ५२ वर्षीय ध्रुव रेग्मीको घरको भान्छा कोठामा आगलागी हुँदा उनको मृत्यु भएको हो।

प्रहरीका अनुसार आगलागीमा पौडेलको घटनास्थलमै मृत्यु भएको हो। आगोले जलेर घाइते भएका ध्रुवलाई जिल्ला अस्पताल पर्वत हुँदै थप उपचारको लागि मणिपाल अस्पताल पोखरा पठाइएको छ।