कास्कीमा लामिछानेका पक्षधर वकिलको बहस सुरू

२२ पुष, काठमाडौं । पोखराको सूर्यदर्शन सहकारी ठगी प्रकरणमा कास्की जिल्ला अदालतमा जारी रबि लामिछानेको पक्षधर कानुन व्यवसायीले थुनछेक बहस सुरू गरेका छन । सोमबारदेखि लामिछानेका तर्फबाट बहस सुरु भएको हो । लामिछाने गत कार्तिक २ गतेदेखी कास्की प्रहरी हिरासतमा रहेका छन ।

आजवाट उनको पक्षमा सुरू भएको थुनछेक बहसका लागि वरिष्ठ अधिवक्ता सुशीलकुमार पन्त, हरि सुवेदी, डा. नारायण घिमिरे, रमण श्रेष्ठ, सुरेन्द्र थापा मगरसँगै १७ जनाले बहस गर्दैछन । शुक्रबारदेखि प्रतिवादीका तर्फबाट बहस सुरु भए पनि यसअघि गोरखा मिडिया नेटवर्कका तत्कालीन सञ्चालक पूर्व डीआइजी छविलाल जोशी र लीला पछाईका कानुन व्यवसायीले बहस गरेका थिए ।