वीरगन्जमा गाँजासहित चार जना पक्राउ

२४ पुस, वीरगन्ज । वीरगन्ज महानगरपालिकाको ग्रामीण क्षेत्रमा प्रहरीले ठूलो परिमाणमा लागू औषध गाँजासहित चार जनालाई पक्राउ गरेको छ। पर्सा प्रहरीले मंगलबार राति वीरगन्ज महानगरपालिका वडा नम्बर २० हरपतगञ्जबाट ५० किलो गाँजासहित चार जनालाई नियन्त्रणमा लिएको हो।

पक्राउ परेका व्यक्तिहरूमा पर्साको बहुदरमाई नगरपालिका–१ विश्रामपुरका ४० वर्षीय पारस यादव, ५२ वर्षीय मैनुदिन मियाँ, वडा नम्बर ७ तीनटोलियाका ३६ वर्षीय अकबर मियाँ, र वडा नम्बर ७ कै छपकैयाका ४५ वर्षीय शिव महत्तो रहेका छन्।

प्रहरीका अनुसार, विशेष सूचनाको आधारमा मंगलबार राति ९:३० बजे खटिएको टोलीले हरपतगञ्ज चोक नजिकको कू्रलोको बाटो हुँदै गाँजाको भारी बोकेर हिँडिरहेका चार जनालाई नियन्त्रणमा लिएको थियो।

जिल्ला प्रहरी कार्यालय पर्साका प्रहरी उपरीक्षक किशोर लम्सालले पक्राउ परेकाहरूलाई हिरासतमा राखेर लागू औषध सम्बन्धी कसूरमा थप अनुसन्धान भइरहेको जानकारी दिए।