सुनको भाउ तोलामा १६ सयले बढ्यो, कतिमा हुँदै छ किनबेच ?

२८ पुस, काठमाडौं । नेपाली बजारमा आइतबार सुनको भाउ तोलामा १६ सय रूपैयाँले बढेको छ । नेपाल सुन–चाँदी व्यवसायी महासंघका अनुसार आज छापावाल सुन प्रतितोला १६ सय रूपैयाँले बढेर १ लाख ५५ हजार ७०० रुपैयाँ कायम भएको छ ।

यसअघि, शुक्रबार छापावाल सुनको भाउ १ लाख ५४ हजार १०० रुपैयाँ रहेको थियो । आज चाँदीको भाउ पनि तोलामा १५ रूपैयाँले बढेर १८ सय ६० रुपैयाँ कायम भएको छ । शुक्रबार चाँदीको भाउ प्रतितोला १८ सय ४५ रुपैयाँ कायम रहेको थियो ।