अमेरिकाको भीषण आगलागीमा मृत्यु हुनेको संख्या १६ पुग्यो, १२ हजार घर ध्वस्त

 २८ पुस, लस एन्जलस । अमेरिकामा भएको भीषण आगलागीमा मृत्यु हुनेको संख्या १६ पुगेको छ । सीएनएनका अनुसार इटन र पालिसेडेसमा भएको आगलागीबाट मृत्यु हुनेको संख्या १६ पुगेको हो ।

लस एन्जलस काउन्टी मेडिकल परीक्षकका अनुसार यसरी मृत्यु भएका मध्ये पाँच जना पलिसेडेसमा  र ११ इटोनमा भएको आगलागीमा परी मृत्यु भएको देखिन्छ ।

 अमेरिकामा अहिलेसम्म ४५ हजार एकडमा आगलागी भइसकेको छ भने ३० हजार एकड पूर्ण रूपमा ध्वस्त भएको छ । साथै, सो आगलागीमा परी करिब १२ हजार घरमा क्षति पुगेको छ ।

 जसअनुसार हलिउडका ठूला सेलिब्रेटीका पनि अर्बौँ मूल्यका घरहरू ध्वस्त भएका खबर प्राप्त भइरहेका छन्  ।