पाकिस्तानमा बस एक आपसमा ठोकिँदा १० को मृत्यु, १६ जना घाइते

२८ पुस, लाहौर । पाकिस्तानको उत्तरपश्चिमी खैबर पख्तुनख्वा प्रान्तमा  बस र अर्को सवारीसाधन एक आपसमा ठोक्किँदा कम्तीमा १० जनाको मृत्यु भएको छ भने अन्य १६ जना घाइते भएका छन् ।
 
सिन्धु राजमार्गमा करक जिल्लाको अम्बरी कल्ले चोकमा गाडी र बस ठोक्किँदा दुर्घटना भएको प्रहरीले जनाएको छ । तीन जनाको घटनास्थलमै र सात जनाको उपचारका क्रममा मृत्यु भएको प्रहरीले जनाएको छ।  घाइतेमध्ये केहीको अवस्था गम्भीर रहेको स्रोतले जनाएको छ ।

सिन्धु राजमार्गमा करक जिल्लाको अम्बरी कल्ले चोकमा गाडी र बस ठोक्किँदा दुर्घटना भएको प्रहरीले जनाएको छ । दुर्घटनामा तीन जनाको घटनास्थलमै मृत्यु भएको अस्पतालले जनाएको छ । जबकि अन्य सात जनाको उपचारको क्रममा अस्पतालमा मृत्यु भएको हो । घाइतेमध्ये केहीको अवस्था गम्भीर रहेको जनाएको छ । दुर्घटनाको जानकारी पाएलगत्तै प्रहरी र उद्धारकर्मी घटनास्थलमा पुगेर घाइतेहरूलाई अस्पताल पुर्‍याएका थिए।

प्रहरी र उद्धारकर्मीले घटनास्थलमा पुगेर घाइतेलाई अस्पताल पुर्याएका छन् । खैबर पख्तुनख्वाका मुख्यमन्त्री अली अमीन गण्डापुरले दुर्घटनामा १० यात्रुको मृत्युप्रति दुःख व्यक्त गरेका छन् । उनले दुर्घटनामा घाइते भएका यात्रुलाई आवश्यक सबै स्वास्थ्य सुविधा उपलब्ध गराउन निर्देशन दिए ।