भरुवा बन्दुकसहित ६ जना जना पक्राउ

२८ पुस, सुनसरी । प्रहरीले सुनसरीबाट भरुवा बन्दुकसहित  ६ जनालाई पक्राउ गरेको छ । सुनसरीको धरान उपमहानगरपालिका-१९ हरियाली चारकोसे जंगलबाट १ थान भरुवा बन्दुक, भरुवा बन्दुकमा लाग्ने फलामको गोली ३ थान, टोटा बन्दुकको गोली २ थान,  बारुद र खुकुरी १ थान सहित इटहरी उपमहानगरपालिका-१३ बस्ने ३५ वर्षीय ज्योतिष चौधरी समेत ५ जनालाई शनिबार राति प्रहरीले पक्राउ गरेको छ । 

इलाका प्रहरी कार्यालय धरानबाट खटिएको प्रहरीले धरानबाट रासतालतर्फ जाँदै गरेको बा ४ च ४३३ नम्बरको कारलाई जाँच गर्दा उक्त हातहतियार फेला पारी कारमा सवार उनीहरूलाई पक्राउ गरेको हो ।  

यस्तै काभ्रेको नमोबुद्ध नगरपालिका-५ दारेगौडास्थित जंगलबाट १ थान भरूवा बन्दुक शनिबार दिउँसो प्रहरीले बरामद गरेको छ । जिल्ला प्रहरी कार्यालय काभ्रे र प्रहरी चौकी कानपुरबाट खटिएको प्रहरीले बेवारिस अवस्थामा रहेको उक्त बन्दुक फेला पारी बरामद गरेको हो । यस सम्बन्धमा आवश्यक अनुसन्धान गरिरहेको छ ।